Web Ref No DPH5

'n Stukkie Hemel Cottage is 'n selfsorghuis in die stil en veilige woongebied van De Kelders. Hierdie bekoorlike huisie is die perfekte vakansieplek vir gaste om te ontspan en is troeteldiervriendelik indien dit vooraf met die eienaar gereël word.

Die huis bied slaapplek aan 5 gaste en beskik oor 2 slaapkamers, 2 badkamers, 'n oopplan-kombuis en 'n leefarea. Die ruim hoofslaapkamer het 'n dubbelbed, 'n en suite-badkamer met 'n stort, toilet en 'n wasbak, en dit lei na 'n stoep met 'n see-uitsig. Die tweede slaapkamer het 2 enkelbeddens, 1 driekwartbed, 'n en-suite badkamer met 'n bad, stort, toilet en 'n wasbak, en dit het ook 'n skuifdeur na buite.

Die kombuis is goed toegerus vir selfsorg en sluit 'n stoof, yskas-vrieskas, mikrogolfoond, prutpot, en 'n ketel in. Daar is ook 'n toonbank met stoeltjies. Die eetarea het sitplek vir 5 en die sitarea het 'n gemaklike sitkamerstel, 'n dubbelslaapbank en 'n TV met die volledige DStv-kanale. Gratis WiFi is ook beskikbaar.

Die huis lei na 'n lieflike stoep met see uitsig vanwaar gaste asemrowende sonsondergange oor die see kan geniet. Die stoep het buitemeubels, braaigeriewe en 'n uitsig oor die groot, omheinde tuin.

In geval van beurtkrag is daar 'n gasbottel beskikbaar vir kookdoeleindes, asook noodlampies en kerse.

Die huis is een blok vanaf die Walkerbaaikus. Die strande en grotte is 186 m vanaf die huis en daar is verskeie voetslaanroetes in die omgewing.